"Vest Hem"ning sobiq hujumchisi Maykl Antonio yana maydonga qaytmoqda. U Qatar chempionatida ishtirok etuvchi "Al-Sayliya" klubi bilan kelishuvga erishib, faoliyatini shu yerda davom ettiradigan bo'ldi. Bu haqda euro-football.ru xabar beradi.
Manbaga ko'ra, futbolchi avvalroq o'ziga kuchliroq va raqobat yuqori bo'lgan liga topishga urindi, biroq bu harakatlari kutilgan natijani bermadi. Yakunda Antonio Qatar variantiga rozi bo'lishiga to'g'ri keldi.
2024 yil dekabr oyida yo'l-transport hodisasiga uchraganidan keyin uning Yevropada yana yuqori darajada o'ynashi qiyin ekani aytilmoqda. Shunga qaramay, "Vest Hem" futbolchini shunchaki ishdan bo'shatmadi — klub u bilan shartnomani uzaytirmadi va Antonio o'tgan yozdan beri erkin agent sifatida qolib ketgandi.
U iyun oyida Yamayka terma jamoasi safida Panama bilan o'yinda ko'rinish bergan, shundan beri esa rasmiy uchrashuvlarda maydonga tushmagan.
Antonio yangi jamoasi safida atigi olti uchrashuv o'tkazishi kutilmoqda: Qatar mavsumi aprel oyida yakunlanadi, undan keyin jazirama issiq sabab o'yinlarni o'tkazish deyarli imkonsiz bo'lib qoladi.
“Zamin”ni Telegramʻda oʻqing!
