Torino Latsioni ishonchli hisobda mag'lub etdi

A Seriyaning 27-turida Torino o'z maydonida Latsioni qabul qilib, uchrashuvni 2:0 hisobida o'z foydasiga yakunladi. Bu haqda euro-football.ru xabar beradi.

O'yin umuman olganda teng kurashda o'tdi, biroq mezbonlar vaziyatlardan ancha unumli foydalandi. 21-daqiqada Duvan Sapata zarbasi himoyachiga tegib yo'nalishini o'zgartirdi, darvozabon hamda Luka Pellegrini epizodda ishonchliroq o'ynashi mumkin edi. Natijada Jovanni Simeone qaytgan to'pni darvozaga joylab, hisobni ochdi — 1:0.

Ikkinchi bo'lim boshida Torino ustunligini mustahkamladi: 53-daqiqada Sapata Rafael Obradorning uzatmasini bosh bilan yakunlab, hisobni 2:0 ko'rinishiga keltirdi.

Ushbu natijadan so'ng Torino turnir jadvalida 13-o'rinni bo'lishib turibdi. Latsio esa ketma-ket to'rtinchi o'yinda ham g'alaba qozona olmadi va 10-pog'onada qolmoqda.