Superliganing 2-turidan o‘rin olgan “So‘g‘diyona” – “Nasaf” bellashuvida mehmonlar o‘z so‘zini aytdi. Qarshilikka boy o‘tgan uchrashuvda Qarshi klubi 2:0 hisobida g‘alaba qozonib, safardan qimmatli uch ochko bilan qaytdi.
O‘yinning birinchi qismidayoq “Nasaf” tezkor va aniq harakat qildi. Hisob 15-daqiqada ochildi: Oybek Rustamov o‘z imkoniyatidan unumli foydalanib, mehmonlarni oldinga olib chiqdi — 0:1. Oradan ko‘p o‘tmay, 22-daqiqada Sharof Muhitdinov (uzatma muallifi: Zafarmurod Abdiraxmatov) yana bir gol urib, jamoasining ustunligini mustahkamladi — 0:2.
“So‘g‘diyona” ikkinchi bo‘limda o‘yinni o‘zgartirish, intrigani qaytarish uchun harakat qildi. Xususan, 74-daqiqada jizzaxliklar penalti orqali hisobni qisqartirish imkoniyatiga ega bo‘ldi. Ammo Lyupcho Doriyevning 11 metrlik zarbasi golga aylanmadi. Shu epizod mezbonlar uchun o‘yindagi eng og‘riqli pallalardan biri bo‘lib qoldi.
Qolgan daqiqalarda “Nasaf” hisobni nazorat qildi, himoyada ishonchli harakat qildi va raqibga xavfli burilish qilish imkonini bermadi. Natijada tabloda 0:2 hisob saqlanib qoldi va uch ochko Qarshiga yo‘l oldi.
Superliga
2-tur
“So‘g‘diyona” – “Nasaf” 0:2
Gollar: 15 - Oybek Rustamov, 22 - Sharof Muhitdinov (Zafarmurod Abdiraxmatov)
Golga aylanmagan penalti: 74 - Lyupcho Doriyev
“So‘g‘diyona”: 18.Nikola Mirkovich, 2.Zoir Jo‘raboyev, 4.Otabek Ahadov, 7.Aleksandr Bolevich (13.Filip Ivanovich,87), 8.Suhrob Izzatov (20.Fazliddin Omonkeldiyev,80), 9.Feysal Mulich, 11.Otabek Jo‘raqo‘ziyev (17.Ollabergan Karimov, 60), 14.Lyupcho Doriyev, 32.Nodirjon Soyibov, 70.Jasurbek Jaloliddinov ( 30.Muhammadayub Omonov,60), 77.Oybek Nurmatov.
Zaxira: 1.Shohruh Isoqov, 29.Amirbek Saidov, 42.Sardorbek Erkinov, 47.Abduazim Ortiqov.
“Nasaf”: 1.Abduvohid Ne’matov, 2.Alibek Davronov, 5.G‘olib G‘aybullayev, 6.Sardor Bahromov, 7.Adenis Shala (76.Zafar Sadullayev,90), 8.Zafarmurod Abdiraxmatov (22.Diyor Abdunazarov,90), 10.Bobir Abdixoliqov (80.Davron Usmonov,79), 14.Sharof Muhitdinov (4.Akramjon Komilov, 90), 15.Oybek Rustamov (99.Kingsli Sokari.79), 17.Murod Rahmatov, 92.Umar Eshmurodov.
Zaxira: 82.Asilbek No‘monov, 20.Yusuf Otubanjo, 27.Yashnarbek Berdirahmonov, 32.Quvonch Xushvaqtov.
Ogohlantirishlar: 33 - Adenis Shala, 71 - Sardor Bahromov.
“Zamin”ni Telegramʻda oʻqing!
