«Manchester Siti» bosh murabbiyi Xosep Gvardiola Jahon futbolidagi mashhur «Barselona» jamoasining hozirgi o‘yini haqida iliq fikrlar bildirdi. Bu haqda Football Talk xabar berdi.
Ispaniyalik mutaxassis Hans-Diter Flik boshqaruvidagi kataloniyaliklar hujumkor va ilg‘or uslubini alohida e’tirof etdi. Gvardiola ta’kidlashicha, har imkoniyat paydo bo‘lganda «Barsa» o‘yinlarini kuzatish unga zavq bag‘ishlaydi.
«Ba’zida futbolni ortiqcha tahlil qilamiz, ammo oxir-oqibat zavq olish muhim. Kinoga yoki yaxshi restoranga borganda ham, asosiy maqsad — hayotiy zavq olish. Sizda ham «Barsa» o‘yinidan zavq olmagan payt bo‘lganmi?» — deb so‘zladi Gvardiola.
Eslatib o‘tamiz, Xosep Gvardiola 2008–2012 yillarda «Barselona»ni boshqargan va klubning tarixidagi eng muvaffaqiyatli davrlarni boshdan kechirgan. Hans-Diter Flik esa 2024 yildan buyon jamoa bosh murabbiyi hisoblanadi va uning hujumkor uslubi Gvardiola tomonidan yuqori baholanmoqda.
“Zamin”ni Telegramʻda oʻqing!
