Rossiya futboli yulduzi Andrey Arshavin Toshkent safari chog‘ida O‘zbekiston milliy terma jamoasi himoyachisi Abduqodir Husanov bilan suhbatlashdi va uning “Manchester Siti”ga transferdan keyingi xulq-atvori haqida fikrlarini o‘rtoqlashdi.
Arshavin taʼkidlashicha, Abduqodir katta mablag‘ga transfer qilinganiga qaramay, juda kamtar ko‘rinadi. “Biz u bilan gaplashdik va u menga oddiy yigit, institutni tugatgan va sport kiyimidagi oddiy insondek tuyuldi. Atrofida ko‘p qo‘riqchilar bor edi, lekin u yolg‘iz qolishni istardi. Yangi muhitda u hali o‘zini qanday tutishni va qanday his qilishni tushunayotgan emas, biroz noqulaylik his qilayotgandek,” – dedi Arshavin.
Abduqodir Husanov O‘zbekistonning eng mashhur va iqtidorli futbolchilaridan biri hisoblanadi. U “Bunyodkor” akademiyasida taʼlim olgan va professional faoliyatini xorijda – 2022 yili Belarusning “Energetik-BGU” klubida boshlagan.
2023 yilning yozidan u Fransiya chempionatining o‘sha paytdagi vitse-chempioni “Lans”ga o‘tdi. Bir yarim mavsumdan so‘ng esa Abduqodir Angliya Premyer-ligasiga yo‘l oldi va 2025 yil 20 yanvarda “Manchester Siti” 40 million yevroga transfer qilib, jamoa tarkibida avlodlar almashinuvini boshladi. Shundan besh kun o‘tgach, Husanov “Chelsi”ga qarshi debyut o‘yinini o‘tkazdi.
Fevral oyida u Angliya kubogida “Leyton Oriyent” jamoasiga qarshi ilk golini urdi, 2026 yil 24 martda esa “shaharliklar” tarkibida Angliya ligasi kubogini qo‘lga kiritdi. “Arsenal”ga qarshi bo‘lib o‘tgan hal qiluvchi bahsda Husanovning namoyishi muxlislar va mutaxassislar tomonidan yuqori baholandi.
O‘z navbatida, Andrey Arshavin ham Angliya Premyer-ligasida to‘p tepgan tajribali futbolchi hisoblanadi. Rossiyada “Zenit” sharafini himoya qilgan Arshavin 2009–2013 yillar davomida Londonning “Arsenal” klubida o‘ynagan.
Bu suhbat orqali muxlislar Abduqodir Husanovning nafaqat professional salohiyati, balki oddiy va kamtar shaxs sifatida ham ajoyib ekanini yana bir bor bilib oldilar.
“Zamin”ni Telegramʻda oʻqing!
