“Real” himoyachisi Raul Asensio jamoa bosh murabbiyi Alvaro Arbeloa bilan shaxsiy nizoga kirishishi futbol maydonidagi unga so‘nggi o‘yinlarda imkoniyat berilmasligiga sabab bo‘ldi. Marca nashri manbalariga ko‘ra, Asensio va Arbeloa o‘rtasidagi munozara aynan shu holatga olib kelgan.
Maʼlum bo‘lishicha, Arbeloa uni Chempionlar ligasida «Manchester Siti»ga qarshi bahsda zaxirada qoldirishga qaror qilganida, Asensio juda g‘azablanib, murabbiy bilan shaxsan suhbatlashgan. Keyinchalik “Elche”ga qarshi uchrashuvda asosiy tarkibda maydonga tushirish rejalashtirilgan bo‘lsa ham, Asensio shifokor bilan birga murabbiy huzuriga kirib, yengil mushak jarohati borligini va o‘ynashga tayyor emasligini bildirgan. Bu holat Arbeloani qattiq qo‘zg‘atgan.
Shu bilan birga, dam olishi kerak bo‘lgan Antonio Ryudigerga ham “Elche”ga qarshi o‘ynashga to‘g‘ri kelishi haqida aytilib, nemis futbolchisi bu qarordan norozi bo‘lgan.
Arbeloa Asensioni jamoadan uzr so‘ramaganligi uchun “Elche”, «Manchester Siti» va “Atletiko”ga qarshi o‘yinlar uchun tarkibdan chiqarib tashlagan, garchi Asensio mashg‘ulotlarda faol ishtirok qilgan bo‘lsa ham. Keyinchalik futbolchi murabbiydan uzr so‘ragan, ammo Arbeloa uni butun jamoa oldida ham uzr so‘rashini talab qilgan va bu bajarilguncha Asensio tarkibga qaytarilmagan.
Xalqaro tanaffusdan so‘ng Asensio nihoyat jamoadan uzr so‘rab, yana tarkibga qaytdi va muxlislar uning maydonga qaytganini qiziqish va quvonch bilan kutib oldi.
“Zamin”ni Telegramʻda oʻqing!
