Yevropa ligasining chorak final javob uchrashuvi doirasida Angliyaning "Nottingham Forest" klubi o'z maydonida Portugaliyaning "Portu" jamoasini qabul qiladi. Bahs 16 aprel kuni Grinvich vaqti bilan 20:00 da start olishi belgilangan. Bu haqda Goal.com xabar beradi.
"Nottingham Forest" jamoasi uchun joriy mavsum ichki chempionatda og'ir kechayotgan bo'lsa-da, xalqaro maydonda ijobiy natijalar qayd etilmoqda. Jamoa pley-off bosqichida "Fenerbaxche" va "Midtyulland" to'siqlaridan o'tib, chorak finalga qadar yetib keldi.
Birinchi uchrashuvda inglizlar raqib bosimiga dosh berib, durang natija bilan qaytishga muvaffaq bo'lishdi.
"Portu" jamoasi Portugaliya chempionatida peshqadamlik qilmoqda va barcha musobaqalarda sakkiz o'yindan buyon mag'lubiyat nimaligini bilmay kelmoqda. Biroq jamoaning Angliya klublariga qarshi statistikasi ko'ngildagidek emas.
Portugaliyaliklar Yevropa ligasi doirasida ingliz jamoalari bilan o'tkazilgan so'nggi beshta o'yinning birortasida g'alaba qozona olishmagan.
Mezbonlar tarkibida Jair Kunya, Nikolo Savona, Villi Boli va Jon Viktor jarohat sababli maydonga tusha olmaydi. Mehmonlar safida esa Luuk de Yong, Martim Fernandesh, Samu Agexova va Nexuen Peres kabi yetakchi futbolchilar uchrashuvni o'tkazib yuborishga majbur bo'lishadi.
“Zamin”ni Telegramʻda oʻqing!
