Germaniyalik sobiq futbolchi Toni Kroos "Real Madrid" klubiga qaytishi bo'yicha aniq muzokaralar olib bormoqda. 2024-yilgi Yevropa chempionatidan so'ng faoliyatini yakunlagan 36 yoshli yulduz maydonga o'yinchi sifatida qaytmaydi. Bu haqda Goal.com xabar beradi.
Klub rahbariyati Kroos uchun Zinedin Zidan bosib o'tgan yo'lni taklif qilmoqda. Unga ko'ra, sobiq yarim himoyachi dastlab maslahatchi sifatida ish boshlab, keyinchalik murabbiylik lavozimiga o'tishi ko'zda tutilgan.
Hozirda "Real Madrid" tarkibida Karlo Anchelotti boshchiligida natijalar pasaygan va jamoa sovrinsiz qolish xavfi ostida turibdi. Klub prezidenti Florentino Peres va boshqa mutasaddilar Kroosning tajribasidan strategik qarorlar qabul qilishda foydalanmoqchi.
Ayni vaqtda Toni Kroos Madridda o'zining futbol akademiyasi va shaxsiy podkast loyihasi bilan band. Agar kelishuv amalga oshsa, u asosiy jamoaning ichki doirasida muhim o'rin egallaydi.
“Zamin”ni Telegramʻda oʻqing!
