Borussiya Borussiya Borussiya Dortmund klubi uzoq yillik sport direktori Sebastian Kehl bilan shartnomani o‘zaro kelishuv asosida bekor qildi. 46 yoshli mutaxassis 24 yil davomida klub sharafini ham futbolchi, ham rahbariyat vakili sifatida himoya qilgan edi. Ushbu qaror jamoada tarkibiy o‘zgarishlar davri boshlangan bir pallada qabul qilindi. Bu haqda Goal.com xabar beradi.
Klub rahbariyati va Kehl o‘rtasidagi kelishuvga ko‘ra, tomonlar moliyaviy masalalarni hal qilib olishdi. Bild xabariga ko‘ra, klub afsonasiga taxminan 1,5 million yevro miqdorida tovon puli to‘lab beriladi. Sebastian Kehlning o‘rnini esa Ole Book egalladi.
Ushbu o‘zgarish bosh murabbiy Niko Kovac uchun jiddiy yo‘qotish bo‘ldi, chunki Kehl uning klubdagi asosiy tayanchi hisoblanardi. Endilikda Niko Kovac yangi sport direktori bilan hamkorlikda jamoani kelgusi mavsumga tayyorlashi kerak bo‘ladi.
Sebastian Kehl juma kuni Borussiya Borussiya Borussiya Dortmundning mavsumdagi so‘nggi uy uchrashuvida muxlislar bilan xayrlashadi. Germaniya matbuotida tarqalgan xabarlarga ko‘ra, tajribali funksioner yozgi transferlar oynasida Tottenxem klubiga o‘tishi mumkinligi aytilmoqda.
“Zamin”ni Telegramʻda oʻqing!
