Real Madrid prezidenti Florentino Perez tanqidlar ostida qolgan hujumchi Kylian Mbappeni himoya qilib chiqdi. Perez fransiyalik futbolchini jamoaning ayni damdagi eng kuchli oʻyinchisi deb atadi va uning mavsum davomida koʻrsatgan natijalarini ijobiy baholadi. Bu haqda Goal.com xabar beradi.
Mavsumdagi muvaffaqiyatsizliklarga toʻxtalgan klub rahbari bunga asosiy sabab sifatida tigʻiz taqvimni koʻrsatdi. Uning soʻzlariga koʻra, Klublar oʻrtasidagi jahon chempionatidan soʻng jamoa jismoniy holatini tiklay olmagan va har uch kunda oʻyin oʻtkazish futbolchilarning charchashiga olib kelgan.
Perez, shuningdek, kiyinish xonasidagi ichki nizolar haqidagi xabarlarning matbuotga chiqib ketishidan noroziligini bildirdi. U jamoa ichidagi muammolar tashqariga chiqmasligi kerakligini taʼkidlab, Federico Valverde va Aurelien Tchouameni oʻrtasidagi mojaro haqidagi mish-mishlarga munosabat bildirdi.
Prezident Kylian Mbappening Madrid muhitini tushunib yetganiga ishonch bildirib, uning koʻplab gollar urganini alohida qayd etdi. Perez futbolchining jarohat vaqtidagi xatti-harakatlari boʻyicha shaxsiy noroziliklari haqidagi gap-soʻzlarga qaramay, uning mahoratiga shubha qilmasligini tasdiqladi.
“Zamin”ni Telegramʻda oʻqing!
