Liverpul bosh murabbiyi Arne Slot Angliya Premer-ligasi doirasida Aston Villa maydoniga safar oldidan jamoaning tarkib holati haqida ma’lumot berdi. Jamoaning yetakchi hujumchisi Muhammad Salah jarohatidan forig‘ bo‘lib, tarkibga qaytishi kutilmoqda. Bu haqda Goal.com xabar beradi.
Shu bilan birga, yarim himoyachi Florian Virts oshqozon infeksiyasi sababli bo‘lajak bahsni o‘tkazib yuborishi mumkin. Murabbiy futbolchining holati o‘yin kunigacha nazorat qilinishini ta’kidladi.
Himoyachi Ibrahima Konate jarohatidan so‘ng to‘liq mashg‘ulotlarga qaytdi. Darvozabon Alisson Becker ham jamoa bilan birga shug‘ullanishni boshladi, biroq uning maydonga tushishi o‘yindan oldin aniq bo‘ladi.
Hozirda Liverpul va Aston Villa 59 ochko bilan turnir jadvalida yonma-yon bormoqda. Ushbu uchrashuv Chempionlar ligasi yo‘llanmasi uchun kurashda hal qiluvchi ahamiyatga ega.
“Zamin”ni Telegramʻda oʻqing!
