Santos yulduzi Neymar 2026-yilgi jahon chempionatida Braziliya terma jamoasi safida maydonga tushish niyatida ekanligini yana bir bor taʼkidladi. Hujumchi ayni damda terma jamoaga chaqiruv olishni intiqlik bilan kutmoqda. Bu haqda Goal.com xabar beradi.
Yaqinda oʻtkazilgan oʻyindan soʻng Neymar kiyib chiqqan sariq-yashil rangli kurtka muxlislar oʻrtasida turli mish-mishlarga sabab boʻldi. Biroq futbolchi bu kiyim shunchaki Devid Bekxemning oʻgʻli Romeo Bekxem tomonidan sovgʻa qilinganini va unda hech qanday yashirin maʼno yoʻqligini tushuntirdi.
Neymar jarohatlardan keyingi tiklanish jarayoni juda ogʻir kechganini tan oldi. Uning soʻzlariga koʻra, aynan jahon chempionatida ishtirok etish orzusi unga qiyinchiliklarni yengib oʻtishda asosiy motivatsiya boʻlib xizmat qilgan.
Braziliya terma jamoasining eng yaxshi toʻpurari boʻlgan futbolchi oʻzining jismoniy holati borasidagi tanqidlarga ham javob qaytardi. U har bir oʻyin bilan oʻz formasini yaxshilab borayotganini va maydonda yana oʻz ritmini topayotganini taʼkidladi.
“Zamin”ni Telegramʻda oʻqing!
