Muhammad Salahning Al-Ittihodga transferi nega amalga oshmadi?
Misrlik mashhur hujumchi Muhammad Salahning Angliya Premer-ligasidagi faoliyati yakuniga yetib borayotgani sari, uning kelajagi borasidagi bahs-munozaralar yangi pallaga kirdi. Liverpul bilan shartnomasi 2025-2026-yilgi mavsum oxirida tugaydigan yulduz futbolchi jamoani tark etishini rasman tasdiqlagan boʻshsa-da, uning keyingi manzili hali ham jumboqligicha qolmoqda. Ayniqsa, Saudiya Arabistonining Al-Ittihod klubiga oʻtish borasidagi muvaffaqiyatsiz urinishlar tafsilotlari jamoatchilik eʻtiborini tortmoqda. Bu haqda Goal.com xabar beradi.
Soʻnggi maʻlumotlarga koʻra, Saudiya Arabistoni chempionati vakillari Muhammad Salahni qoʻshib olish uchun mislsiz saʻiy-harakatlarni amalga oshirgan. Al-Ittihod jamoasi «Misr firʻavni»ni oʻz safiga chorlash orqali nafaqat klub darajasini, balki butun Roshn ligasining nufuzini oshirishni maqsad qilgan edi. Biroq, transferning amalga oshmay qolganiga bir qator ichki va tashqi omillar sabab boʻldi.
Turkiyadan kutilmagan qiziqish va rad javobi
Muhammad Salahning kelajagi borasidagi mish-mishlar faqatgina Yaqin Sharq bilan cheklanib qolmayapti. Yaqinda Turkiyaning Beshiktosh klubi futbolchi bilan kelishuvga erishgani haqida xabarlar tarqaldi. Maʻlumotlarga koʻra, turk grandi Salahga bir mavsum uchun 12 million yevro maosh va shartnomani uzaytirish imkoniyatini taklif qilgan.Biroq, Beshiktosh rahbariyati ushbu xabarlarni tezda rad etib, rasmiy bayonot bilan chiqdi. Klub matbuot xizmati Muhammad Salah bilan hech qanday muzokaralar olib borilmaganini va OAVda tarqalgan maʻlumotlar haqiqatga toʻgʻri kelmasligini maʻlum qildi. Bu esa futbolchining Yevropadagi boshqa grand klublar yoki Saudiya loyihasiga koʻproq moyilligi borligini koʻrsatmoqda.
Liverpulda oʻchmas iz qoldirgan toʻpurar
Muhammad Salah Liverpul safida toʻqqiz yil davomida haqiqiy afsonaga aylandi. U Enfildda oʻtkazgan vaqti mobaynida Chempionlar ligasi, Angliya Premer-ligasi va boshqa koʻplab nufuzli sovrinlarni qoʻsh qoʻllab boshi uzra baland koʻtardi. Uning ketishi Mersisayd klubi uchun butun bir davrning yakunlanishini anglatadi.Hozirda futbolchi uchun toʻrtta asosiy yoʻnalish koʻrib chiqilmoqda:
- Saudiya Arabistoni Roshn ligasi (Al-Ittihod va Al-Hilol);
- AQSHning MLS chempionati;
- Yevropaning top-klublari;
- Turkiya Superligasi (garchi inkor etilgan boʻlsa-da).
Izohlar 0
…