Belgiya termasi Kosta-Rikani yirik hisobda yengdi, Janubiy Koreya esa Senegalga yutqazib qo‘ydi

JCh-2018 musobaqasi boshlanishi oldidan bir qator terma jamoalar o‘rtoqlik uchrashuvlarida maydonga tushdilar.

Senegal terma jamoasi Janubiy Koreya bilan bahs yuritdi va 2:0 hisobidagi g‘alabani qo‘lga kiritdi. 67-daqiqada Kim Yon Gvon o‘z darvozasini ishg‘ol qilib qo‘ygan bo‘lsa, hakam tomonidan qo‘shib berilgan vaqtda Konate senegalliklarning ikkinchi golini urdi.

Belgiya terma jamoasi esa Kosta-Rikaga qarshi o‘yin o‘tkazdi. Gollarga boy bo‘lgan bahsda Yevropa vakillari irodali g‘alabani qo‘lga kiritdilar. Belgiyaliklar safida Romelu Lukaku dubl qayd etgan bo‘lsa, Dris Mertens va Mishi Batshuayilar bir martadan raqib darvozasini ishg‘ol qilishdi.

O‘rtoqlik uchrashuvi

Senegal – Janubiy Koreya 2:0 (0:0, 2:0)
Gollar: 1:0 – 67, avtogol Kim Yon Gvon, 2:0 – 90, penalti Konate.

Senegal – Ndiay, Sabali, Sane, Vage, Kulibali, Kuyate, Ndiaye, Sarr, Mane, Nyang (Konate, 46), Sako.
Janubiy Koreya – Cho Xen U, Chan Xyon Su, Kim Yon Gvon, Li Yon, Kim Min U, Ki Son Yon, Li Che Son, Ku Cha Chhol, Li Sin U, Kim Sin Uk, Son Hin Min.

Belgiya – Kosta-Rika 4:1 (2:1, 2:0)
Gollar: 0:1 – 24 Ruis, 1:1 – 31 Mertens, 2:1 – 42 Lukaku, 3:1 – 50 Lukaku, 4:1 – 64 Batshuayi.

Belgiya – Kurtua, Boyata (Dendonker, 66), Vertongen, Mene (Shadli, 46), Alderveyreld, de Bryuyne (Tilemans, 71), Ferreyra Karrasko, Vitsel, Azar (Dembele, 70), Mertens (Batshuayi, 52), Lukaku (Azar, 65).
Kosta-Rika – Navas, Akosta, Gonsales, Ovedo (Kalvo, 46), Duarte, Borxes (Asofeyfa, 76), Bolanos (Gusman, 62), Ruis (Kempbell, 66), Texeda, Gamboa (Smit, 66), Urenya (Venegas, 46).

Ogohlantirish: Gonsales (44).

Manba: www.uff.uz
“Zamin” yangiliklarini “Twitter”da kuzatib boring