20:07 / 22.01.2015
4 923

Cha Du Ri:"Raqibning holdan toygan edi va bundan foydalandim"

Cha Du Ri:"Raqibning holdan toygan edi va bundan foydalandim"
Bugun Osiyo Kubogi chorak finalida o‘z jamoasining ikkinchi goliga hammualliflik qilgan 35 yoshli Cha Du Ri koreys OAVlarining diqqat markazlarida turibdi.

Koreyadagi OAV qariya futbolchining yosh raqiblarini ortda qoldirib ketganligini takror va takror maqtab tilga olishmoqda. Ushbu futbolchi o‘tgan yili yozda Jahon Chempionatiga borgan tarkibda yo‘q edi. U jahon chempionati davomida Koreya televideniyasi uchun sharhlovchilik qildi. Aksariyat koreys nashrlari bugungi o‘yindan keyin:"Nega shunday futbolchimiz Jahon chempionatiga olib ketilmadi? U Braziliyada mikrofon bilan emas, to‘p bilan mo‘jizalar ko‘rsatishi mumkin ekanku", - deya yozishmoqda.

Bugun o‘yindan keyin ikkinchi golga assistentlik qilgan futbolchi o‘yin haqida qiqacha fikrlarini bildirib o‘tdi: "Men maydonga tushishimdan avval bosh murabbiyimiz himoyadan ko‘proq xujumga qo‘shilib turishim lozimligini uqtirdi. Qo‘shimcha daqiqalarda esa bizda imkoniyatlar yuzaga keldi. Men ikkinchi bo‘limdan o‘yinga qo‘shilganligim sababli jismoniy holatim yaxshi edi. Raqib esa ancha holdan toygandi. Bu menga qo‘l keldi. O‘yindan oldingi ruhiy zarbalardan halos bo‘ldik deb o‘ylayman. Bizning maqsadimiz faqat g‘alaba. Maydondan tashqarida OAV va muxlislar biz haqimizda nima deb e’tiroz bildirishlari farqi yo‘q. Bizning o‘z yo‘limiz bor. Biz to‘g‘ri yo‘ldamiz", - deydi Cha Du Ri.

Otabek yo‘ldoshev
Seul, Janubiy koreya.

Manba: stadion.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Cha Du Ri:"Raqibning holdan toygan edi va bundan foydalandim"
[/banner_pushhouse