Rossiya futbolida qator o‘zgarishlar yuz bermoqda. “Ufa”ni kuchli klubga aylantira olgan bosh direktor Shamil Gazizov xuddi shu lavozimdagi faoliyatini Moskvaning “Spartak” jamoasida davom ettiradigan bo‘ldi.
Ekspertlar Shamil Gazizovni ishni to‘g‘ri tashkil qilish, iste’dodli futbolchilarni tanlash, zarur mutaxassislar bilan til topishishga ustaligini alohida ta’kidlamoqda. Shuningdek, ko‘pchilik Shamil Gazizovdan “Ufa”ga taklif qilgan futbolchilaridan eng zo‘rlarini “Spartak” jamoasiga olib o‘tishini ham kutmoqda.
Birinchi navbatda, yangi bosh direktor “Spartak” boshqaruvini “Ufa”ni raqobatbardosh jamoaga aylantira olgan Vadim Yevseyevga topshirishi mumkin. Qolaversa, “Spartak” duch kelayotgan asosiy muammo – o‘yinni tashkil qilishga qodir futbolchilar masalasini ham “Ufa”da sinovdan o‘tgan charm to‘p ustalari evaziga hal etilishi mumkin.
Demak, ekspertlar Shamil Gazizov birinchi navbatda asosiy e’tiborini uch futbolchiga qaratishini taxmin va tahlil qilmoqda.
“Spartak” markaziy himoyani kuchaytirishi kerak. Bu joyga eng munosib nomzod gruziyalik Jamol Tabidze. 23 yoshli futbolchi joriy chempionatda to‘pni raqibdan olib qo‘yish bo‘yicha peshqadam. U har bir uchrashuvda o‘rtacha uch marotaba raqibni to‘psiz qoldirmoqda. Unda himoyachiga xos barcha xususiyatlar yaxshi shakllangan. Bundan tashqari, turli masofalarga aniq pas berishda ham “Ufa”ning yetakchi futbolchilari qatorida turadi. “Spartak”ning himoyadan va pressingdan chiqishda uzun paslardan foydalanishini inobatga olsak, bu futbolchi o‘z o‘yin usuli bilan moskvaliklarni yanada kuchaytirishi mumkin.
“Ufa”ning ikki o‘yinchisi – Daniil Fomin va Oston O‘runov “Spartak”ning maydon markazidagi ustunligini ta’minlashga qodir.
“Spartak” ba’zan juda sodda o‘ynayapti. Pozitsion hujum tashkil qilishda kamchiliklar bor. “Ufa” vakillari esa bu ishning ustasi.
23 yoshli Fomin markaziy yarim himoyachi sifatida to‘p surishiga qaramay, tez-tez hujumga qo‘shiladi va jamoasining to‘purariga aylanib qolgan. Uning kuchli zarbasi turli masofalardan darvozaga aniq yetib bormoqda. Bundan tashqari, Fomin uzoq masofaga aniq to‘p oshira oladi. Bu “Spartak” hujumchilari Sobolev va Ponse uchun ayni muddao bo‘lardi. Yarim himoyachining yana bir ustunligi doimo himoyaga qaytib o‘ynashida. U mehnatdan qochmaydi.
19 yoshli o‘zbek legioneri Oston O‘runov jamoasining eng yaxshi dribling ustasi. Undan to‘pni olib qo‘yish juda qiyin. Yaqinda aynan “Spartak” jamoasiga qarshi o‘yinda hech kim Ostonga teng kela olmadi. O‘runov texnikasi kuchli futbolchi sifatida fol ishlash bo‘yicha ham “Ufa”da yetakchi hisoblanadi. Raqiblar bir o‘yin davomida unga nisbatan o‘rtacha ikki marta qoida buzadi. Shuningdek, o‘zbek futbolchisi zarbaga moslab to‘p uzatishda peshqadam.
O‘runovning shuncha fazilatini kutilmagan nostandart paslari va yuqori texnikasi ham bezamoqda.
Albatta, “Spartak” bu futbolchilarning barini birdan transfer qila olmaydi. Lekin ular kimnidir tanlashi mumkin. Buni esa vaqt ko‘rsatadi.
Manba: Sports.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi