Coca Cola Superliganing 9-turidan o‘rin olgan "Lokomotiv" - "Mash’al" (0:1) uchrashuvidan keyin mehmonlar katta murabbiyi Dilyaver Vaniyev o‘z fikrlarini bildirdi.
"Barchaga hayrli kech. Hozirgi holatimni tushunmasligingiz tabiiy. Bugun bizga g‘alaba juda zarur edi. O‘yindan oldin biroz bosim bor edi. Ancha vaqtdan beri g‘alaba qozona olmayotgan edik. Yigitlardan o‘z o‘yinlarini ko‘rsatishlarini iltimos qilgandik. Rejadan tashqariga chiqmagan holda harakat qilishni buyurgandik. G‘alaba bilan shogirdlarimni va muxlislarni tabriklayman.
"Mash’al" "Lokomotiv"ni safarda oxirgi marotaba mag‘lub etganida men futbolchi sifatida Oliy ligada to‘p tepayotgan edim. O‘sha paytlar "Lokomotiv" hozirgidek emasdi. Keyin ular moliyaviy tomondan ancha barqaror klubga aylandi. Uch mavsum davomida chempionlikni hech kimga berishmadi. Ularni o‘yin falsafasini va uslubini oldindan bilardim. To‘pni olib qo‘yishadi va bo‘sh hududlar orqali hujumlarni rivojlantirishadi. Hozir futbolda kim ko‘proq to‘pni nazorat qilsa, vaziyatlardan foydalansa o‘sha jamoa g‘olib chiqmoqda.
Endi barchasini unutib Muborakka yo‘l olamiz va navbatdagi o‘yinga tayyorgarlik ko‘ramiz. Yozgi transferlar oynasi vaqtida yuqori saviyadagi futbolchini olib kelish qiyin masala. Lekin, bu borada ishlar davom etadi, to‘xtamaydi.
Legionerlar bilan muloqot qilishda muammoga uchramayapmiz. Ella Kenni turmush o‘rtog‘i Ukrainadan. Shu bois u bilan rus tilida muloqot qilamiz. Ushbu futbolchi orqali Ifeaniy bilan gaplashamiz.
To‘rtta o‘yinda gol ura olmayotganimiz jamoaga juda katta bosim qilayotgandi. Shaxsan o‘zimga yosh murabbiy sifatida bu jarayonni boshdan o‘tkazish oson bo‘lmadi. Bollarga ham aytdim. Futbolda gol urish kerak, gol urmasangiz g‘alaba qozona olmaysiz",- deydi Dilyaver Vaniyev.
Manba: championat.asia “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHda Falastinni qo‘llab namoyishga chiqqani uchun hibsga olingan talabalar soni 900 nafardan oshdi
Keniyada to‘g‘on buzilishi oqibatida 42 kishi halok bo‘ldi
Saudiya Arabistoni energetika vaziri O‘zbekistonga tashrif buyuradi
Gaaga sudi Isroil harakatlarini tekshiruvdan o‘tkazmoqda
Fon der Lyayen Putinning «ishonli odamlari» bilan hamkorlikni istisno etdi
Shimoliy koreyaliklarning aql bovar qilmaydigan 7 ta kundalik odati
Devid Kemeron Markaziy Osiyoga safarida hashamatli samolyot ijaraga olgani uchun tanqid qilindi