Kecha bo‘lib o‘tgan "Shabab Al Ahli" - "Paxtakor" bahsi 0:0 hisobida yakun topdi. O‘yindan keyingi matbuot anjumanida dubayliklar bosh murabbiyi Jerar Saragosa quyidagi fikrlarni bildirdi.
- Maydonda ikkita yaxshi jamoa kurash olib bordi. Dastlabki ikki turdan so‘ng hisobimizda umuman ochko yo‘q edi. Dohaga kelib 7 ochko to‘pladik va hozirgi ahvolimiz ancha yaxshi. Endi bizda ham keyingi bosqichga chiqish imkoniyati paydo bo‘ldi.
- Imkoniyatlarni qanday baholaysiz?
- Shuni aytishim mumkin, biz hali "tirikmiz" va imkon bor ekan oxirigacha kurashamiz.
- "Shabab Al Ahli" keyingi turni "Al Hilol"ga qarshi o‘tkazadi. Bu uchrashuv haqida nima deya olasiz?
- Har bir bahs qiyin o‘tyapti. "Al Hilol" - kuchli jamoa, bejizga o‘tgan yil OCHL g‘olibi emas. Har o‘yindan oldin ularda koronavirus bilan bog‘liq muammolar yuzaga kelyapti, lekin jamoa baribir yaxshi o‘ynayapti.
- Jamoangiz "Al Hilol"ga qarshi ijobiy natija qayd etib keyingi bosqichga chiqishiga ishonasizmi?
- Albatta, ishonaman. Ishonch bo‘lmaganida bu yerga kelmasdik. Hozir ikkinchi o‘rin uchun "Paxtakor" va biz kurashyapmiz. Imkoniyatlar esa bir xil. Biz avvalo o‘z o‘yinimizni o‘ylashimiz kerak. "Paxtakor" - "Shahr Xodro" o‘rtasida kechadigan bellashuv esa alohida masala.
- Aziz G‘aniyev avvalgi ikkita bahsda boshlang‘ich tarkibda harakat qilgandi, lekin bugun zaxiradan maydonga tushdi. Buni qanday izohlaysiz?
- O‘yinga belgilangan taktikadan kelib chiqib shunday yo‘l tutdik. Aziz G‘aniyev - yosh va kelajagi porloq futbolchi. Lekin jamoamizda boshqa o‘yinchilar ham borligini unutmaylik. Shu bois G‘aniyev zaxiradan qo‘shildi va jamoaga yordam berishga harakat qildi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global Janub kimniki?
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ruslar Abrams tanklarining zaif tomonini topishdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Mariya Zaxarova ukrainaliklarni Amerika hindulariga o‘xshatdi
Uchar avtomobil yo‘lovchi bilan birinchi parvozini amalga oshirdi (video)
Zoir Mirzayev “Telefonsiz maktab”ga 300 mln so‘m mukofot berdi