No‘’mon Hasanov "Navbahor"ning mag‘lubiyatiga qanday izoh berdi?

O‘zbekiston kubogi chorak final uchrashuvlaridan o‘rin olgan "Navbahor" - "Nasaf" uchrashuvi o‘z yakuniga yetdi. O‘yindan so‘ng tashkil etilgan matbuot anjumanida mezbonlar ustozi No‘’mon Hasanov bahs haqidagi fikrlari bilan o‘rtoqlashdi:

"Har ikki jamoa yaxshi taassurot qoldirdi. Muxlislarga katta rahmat aytaman. So‘nggi daqiqalarda kiritgan golimiz aynan ularning qo‘llab-quvvatlagani natijasida yuzaga keldi. Raqib himoyaviy o‘yin ko‘rsatib, qarshi hujumlarga tayandi.

"Nasaf" qanotlardan ko‘p hujumlar uyushtirdi. To‘g‘risi, o‘yin bunaqa tus olishini kutmagandik. O‘zingiz ko‘rganingizdek, ba’zi futbolchilarning jismoniy holati uchrashuv tempiga dosh bermadi." “Zamin”ni Telegramʻda oʻqing!