Dastin Pore: «Habib qaytmaydigan bo‘lsa, u holda men chempionman»

^{Foto: Getty Images}
Yengil vazn toifasida harakat qiluvchi UFC jangchisi Dastin Pore 24 yanvar kuni bo‘lib o‘tgan UFC 257 musobaqasida Konor Makgregorni mag‘lubiyatga uchratdi va jangdan keyin o‘z fikrlari bilan o‘rtoqlashdi.

«Konor mag‘lubiyatni qabul qilgani hurmatga loyiq. Bu ajoyib g‘alaba bo‘ldi, biroq biz bundan ham kattaroq narsa uchun jang qildik.

Endi uyga qaytaman va o‘z xayriya fondim bilan shug‘ullanaman. Yaxshi jang o‘tkazdim. Asosiy maqsad urishish emas, zarbalarni aniq yo‘llash edi. Konor kutilmagan zarbalar berishda yaxshiroq bo‘lishini bilgandim, ammo bundan o‘ta oldim.

Men uchun bu chempionlik jangi edi. Agar Habib qaytmaydigan bo‘lsa, biz — Konor ikkimiz eng kuchlilarmiz. Shunday ekan, men chempionman», — deydi Pore.

Eslatib o‘tamiz, bu Pore va Makgregor o‘rtasidagi ikkinchi jang bo‘ldi. 2014 yilda Konor raqibini birinchi raunddayoq nokautga uchratgandi. “Zamin”ni Telegramʻda oʻqing!