Pley-offdan eson-omon o‘tgan AGMK o‘z tarixida birinchi marta Osiyo chempionlar ligasi guruh bahslarida qatnashadi.
Safarda "Al Garafa"ni 1:0 hisobida mag‘lub etib qaytgan AGMK "A" guruhiga to‘rtinchi jamoa bo‘lib qo‘shildi. Guruh uchrashuvlari 15-30 aprel oralig‘ida Saudiya Arabistoni poytaxti Ar Riyodda bo‘lib o‘tadi.
"A" guruhi (mezbon shahar - Ar Riyod):
"Al Hilol" (Saudiya Arabistoni)
"Shabab Al Ahli" (BAA)
"Istiqlol" (Tojikiston)
AGMK (O‘zbekiston)
Guruh taqvimi quyidagicha ko‘rinish olgan:
1-tur. 15 aprel. "Shahzoda Faysal bin Fahd stadioni"
00:00. "Al-Hilol" – AGMK
2-tur. 18 aprel. "Qirol Fahd Xalqaro stadioni"
00:00. AGMK – "Istiqlol"
3-tur. 21 aprel. "Qirol Fahd Xalqaro stadioni"
00:00. AGMK – "Shabab Al Ahli"
4-tur. 24 aprel. "Qirol Fahd Xalqaro stadioni"
00:00. "Shabab Al Ahli" – AGMK
5-tur. 27 aprel. "Shahzoda Faysal bin Fahd stadioni"
00:00. AGMK – "Al-Hilol"
6-tur. 30 aprel. "Qirol Fahd Xalqaro stadioni"
00:00. "Istiqlol" – AGMK
Izoh: Guruhdagi barcha o‘yinlar Toshkent vaqti bilan 00:00da start oladi.
Ko‘rib turganizdek, AGMK ilk turdayoq Osiyoning eng kuchli klublaridan biriga to‘qnash keladi. "Al Hilol" haqida ortiqcha gapirishga hojat bo‘lmasa kerak. AGMK 6ta o‘yindan to‘rttasini "Qirol Fahd Xalqaro stadioni"da o‘tkazadi. Faqat "Al Hilol" bilan bo‘ladigan uchrashuvlar "Shahzoda Faysal bin Fahd stadioni"da tashkil etiladi.
"Al Hilol" 2019 yil OCHLda zafar quchgan, "Shabab Al Ahli" esa 2015 yilgi musobaqa finalchisi hisoblanadi. Guruhda ikkita debyutant bor: AGMK va "Istiqlol". Guruh bahslari ikkita stadionda tashkil etiladi: "Qirol Fahd Xalqaro stadioni" va "Shahzoda Faysal bin Fahd stadioni".
"Qirol Fahd Xalqaro stadioni" - 1987 yilda barpo etilgan bo‘lib, Saudiya Arabistonidagi eng katta stadion hisoblanadi. Milliy terma jamoa aksar hollarda uy o‘yinlarini shu yerda o‘tkazadi. Stadion sig‘imi 67,000 muxlisga mo‘ljallangan. Mazkur o‘yingohda 1997 yil Konfederatsiyalar Kubogi o‘tkazilgan. Shuningdek, 2014 va 2017 yillarda OCHL finaliga mezbonlik qilgan.
"Shahzoda Faysal bin Fahd stadioni" - Ar Riyodning Al Malaz tumanida joylashgan. Bu stadion 1971 yil ochilgan. 1972 yilgi Ko‘rfaz Kubogi bahslari mana shu yerda o‘tkazilgan. "Al Hilol", "Al Nassr" va "Al Shabab" klublari uy uchrashuvlarini ko‘pincha shu o‘yingohda o‘tkazib keladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Britaniya muzeyi mamlakat tarixidagi eng qimmat sovg‘aga ega bo‘ladi
