JCH—2021. O‘zbekiston 1/8 finalda qaysi jamoa bilan o‘ynashi ma’lum bo‘ldi

^{Foto: O‘FA}
Futzal bo‘yicha Jahon chempionatining 1/8 final juftliklari ma’lum bo‘ldi. O‘zbekiston terma jamoasi mazkur bosqichda Eron bilan bahs yuritadi.

B guruhida Rossiyadan keyin 2-o‘rinni egallab, pley-offga yo‘l olgan Bahodir Ahmedov shogirdlari F guruhida Argentinadan keyin ikkinchi bo‘lgan Eron bilan bahsga kirishadi. Uchrashuv 24 sentabr kuni Toshkent vaqti bilan soat 19:30 da boshlanadi.

O‘zbekiston — Eron juftligi g‘olibi 1/4 finalda Qozog‘iston — Tailand bellashuvi g‘olibi bilan to‘qnash keladi.

Ma’lumot uchun, O‘zbekiston va Eron shu paytgacha Osiyo chempionatlarida 12 bor to‘qnash kelgan va o‘yinlarning barchasida forslarning qo‘li baland kelgan. “Zamin” yangiliklarini “Telegram”da kuzatib boring