22:44 / 18.10.2021
787

U-23 Osiyo chempionati saralash bosqichi O‘zbekistonda o‘tkaziladi

U-23 Osiyo chempionati saralash bosqichi O‘zbekistonda o‘tkaziladi
Quvayt futbol assotsiatsiyasi U23 Osiyo chempionati saralashning "D" guruhi bahslariga mezbonlik qila olmaydi. Aytish kerakki, bu guruhga Saudiya Arabistoni, Bangladesh va O‘zbekiston terma jamoalari joy olgan.

O‘zbekistonlik taniqli futbol mutaxassisi Alisher Nikimbayev o‘zining telegramdagi kanalida ma’lum qilishicha, OFK zudlik bilan Quvaytga o‘rinbosar qidirgan va ushbu saralash o‘yinlari mezbonligini Saudiya Arabistoni hamda O‘zbekistonga taklif qilgan.

Yakunda saralash turniri Toshkentda o‘tishi ma’lum bo‘ldi. Shuningdek, Nikimbayev musobaqaning dastlabki o‘yinlari 27 oktabr sanasida o‘tkazilishini aytib o‘tdi.

Eslatib o‘tamiz, ushbu guruhdan O‘zbekiston, Saudiya Arabistoni, Bangladesh va Quvayt jamoalari o‘rin olgan. Unda Timur Kapadze boshchiligidagi O‘zbekiston U-21 terma jamoasi qatnashadi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » U-23 Osiyo chempionati saralash bosqichi O‘zbekistonda o‘tkaziladi