Masharipovning goli inobatga olinmagan bahsda jamoasi g‘alaba qozondi

Saudiya Arabistoni chempionatining 14-turidan o‘rin olgan "Al-Nassr" va "Al-Xazm" jamoalari o‘rtasidagi o‘yin yakunlandi. Mazkur uchrashuvda maydon egalari 2:1 hisobida g‘alaba qozondi.

Riyodliklar safida harakat qilayotgan legionerimiz Jaloliddin Masharipov bellashuvni asosiy tarkibda boshladi va to‘liq o‘ynadi. Uchrashuga qo‘shib berilgan daqiqalarda Masharipov gol urgandi, biroq ofsayd sababli gol inobatga olinmadi.

Ma’lumot uchun, ushbu g‘alabadan keyin "Al-Nassr" ochkolar sonini 23taga yetkazib, 4-o‘ringa ko‘tarildi.