Mourino avvalgi uslubiga qaytmoqchi. Bu taktikada Shomurodovga joy bormi?

"Roma" Italiya chempionati 25-turida "Sassuolo" bilan kuch sinashadi. Bellashuv Toshkent vaqti bilan 22:00da boshlanadi.

"La gazzetta dello sport" nashri uchrashuv oldidan Joze Mourino qanday taktika qo‘llashi borasida material chop etdi. Unga ko‘ra portugaliyalik mutaxassis o‘zining sevimli uslubidan foydalanishi yozilgan, ya’ni 4-2-3-1. Joze Rimda ko‘pincha 4-1-3-2 formatidan foydalanayotgandi. Bunda Temmi Abraxamga Nikolo Dzanolo tandem bo‘layotgandi.

Shunisi e’tiborga molikki, kubok bahsida jarohat olib, mazkur uchrashuvni o‘tkazib yuborishi aytilgan Abraxam bugun hujumda ko‘rinish berishi taxmin qilingan. Aftidan, Shomurodov bu gal ham zaxiradan vaqti kelishini kutib o‘tiradigan ko‘rinadi. “Zamin”ni Telegramʻda oʻqing!