Aviasales ma'lumotlariga ko‘ra, O‘zbekistondan Xitoyga aviabiletlar narxi o‘tgan yilga nisbatan 44% ga arzonlashgan. Bu o‘zgarish bezviz rejimining joriy etilishi va aviareyslar sonining ko‘payishi bilan bog‘liq. Bu haqda ma'lumotlarni Kursiv Uzbekistan nashri e’lon qildi.
Ma'lumotlarga ko‘ra, o‘tgan yil davomida Xitoyga aviabiletlar uchun bronlar soni 66% ga oshgan. Guanchjouga boradigan reyslar uchun biletlarga talab eng ko‘p bo‘lib, ularning narxi ikki baravar arzonlashgan.
Pekinga aviabiletlar narxi 39% ga arzonlashgan, shu bilan birga bronlar soni 76% ga oshgan. Shanxayga biletlar esa 23% ga arzonlashgan. Bu shahar biznes-klasda uchishni istovchilar orasida ayniqsa mashhur bo‘lgan.
Xanchjouga bo‘lgan talab ham sezilarli darajada oshgan, bu shaharga aviabiletlarga bo‘lgan talab 82% ga oshgan. Oilaviy turizm uchun esa Pekin, Shanxay va Sanya kabi kurort shaharlari kuzatilmoqda.
“Zamin”ni Telegramʻda oʻqing!
