Ilon Mask Tesladan 114 mlrd dollar miqdorida mukofot puli oladi
Tesla kompaniyasi Ijon Maskka 2018 yilda va'da qilingan rekord darajadagi 114 milliard dollar miqdoridagi kompensatsiya paketini rasmiylashtirish uchun hujjat topshirdi. Ushbu paket 304 million dona aksiyadan iborat bo'lib, kompaniya aksiyalari narxining oshishi natijasida joriy qiymati 114 milliard dollardan oshdi. Mask barcha belgilangan maqsadlarga erishganligi sababli, Delaware shtati oliy sudi uning olti yillik ish haqini to'lashni adolatli deb topdi. Hozirda Ijon Mask 839 milliard dollar boylik bilan dunyoning eng badavlat insonlari reytingida birinchi o'rinda turmoqda.
"Tesla" kompaniyasi Ilon Maskka 2018 yilda va'da qilingan rekord darajadagi kompensatsiya paketini rasmiylashtirish uchun AQSh qimmatli qog'ozlar komissiyasiga hujjat topshirdi. Gap o'sha paytda 56 mlrd dollarga baholangan 304 million dona aksiya haqida bormoqda. Bu haqda Ixbt.com xabar beradi.
Kompaniya aksiyalari narxi 376 dollargacha ko'tarilishi natijasida ushbu paketning joriy qiymati 114 mlrd dollardan oshib ketdi. Bu bir necha yil davom etgan sud jarayonlariga yakun yasashi kutilmoqda.
2018 yilda direktorlar kengashi Maskka murakkab shart qo'ygan edi: u faqat kompaniya kapitallashuvi va biznes ko'rsatkichlari bo'yicha 12 ta maqsadga erishsa, aksiyalarga ega bo'lardi. Mask 2021 yil oxiriga kelib barcha vazifalarni bajargan.
Delaver shtati oliy sudi Maskka olti yillik ish haqi to'lanishi adolatli ekani haqida qaror chiqardi. Shartga ko'ra, Mask kompaniyada kamida 2028 yilgacha qolishi kerak va olingan aksiyalarni besh yil davomida sotish huquqiga ega emas.
Hozirda Ilon Mask 839 mlrd dollar boylik bilan dunyoning eng badavlat kishilari reytingida yetakchilik qilmoqda. Aksiyadorlar allaqachon uning uchun 1 trillion dollargacha yetishi mumkin bo'lgan yangi kompensatsiya paketini ham ma'qullagan.
Izohlar 0
…