Kichik biznes uchun ish haqi tizimlarini taqdim etuvchi Gusto kompaniyasi joriy yilda 1 milliard dollarlik daromad marrasini zabt etdi. 14 yillik tarixga ega ushbu startap o‘zining haqiqiy yillik tushumini e’lon qildi, bu esa uni bozordagi raqobatchilari orasida moliyaviy barqarorligi bilan ajratib turadi. Bu haqda Techcrunch.com xabar beradi.
Gusto so‘nggi bor 9,3 milliard dollar qiymatida baholangan edi. Bu ko‘rsatkich Deel va Rippling kabi raqobatchilarga nisbatan ancha past bo‘lsa-da, kompaniyaning real daromadlari uning bozor salohiyatini yaqqol ko‘rsatib turibdi. Hozirda kompaniya IPOga chiqish uchun qulay imkoniyatlarni kutmoqda.
Texnologik taraqqiyot borasida ham Gusto sezilarli natijalarga erishmoqda. Anthropic kompaniyasining sobiq texnik direktori Rahul Patil boshqaruvga kelganidan so‘ng, sun’iy intellekt yordamida kod yozish va mijozlarni qo‘llab-quvvatlash jarayonlarining 50 foizi avtomatlashtirildi.
Raqobatchilardan farqli o‘laroq, Gusto korporativ nizolar va sud jarayonlaridan uzoqroq bo‘lib, o‘z biznesini kengaytirishga e’tibor qaratmoqda. Guideline kompaniyasining 600 million dollarga sotib olinishi ham ushbu strategiyaning bir qismidir. Kelgusi yillarda kompaniyaning fond bozoriga chiqishi kutilmoqda.
“Zamin”ni Telegramʻda oʻqing!
