Hisense kompaniyasi o‘zining yangi Vidda Power Bank C1 tashqi akkumulyatorini rasman taqdim etdi. Garchi qurilmaning aniq narxi hali e’lon qilinmagan bo‘lsa-da, ishlab chiqaruvchi savdolar iyul oyida boshlanishini tasdiqladi. Bu haqda Ixbt.com xabar beradi.
Yangi model o‘zining yuqori quvvati hamda o‘ziga xos dizayn yechimi bilan ajralib turadi. Qurilmaga zaryadlash uchun mo‘ljallangan kabel o‘rnatilgan bo‘lib, u ayni vaqtda tashish uchun qulay tasma vazifasini ham bajaradi.
Vidda Power Bank C1 kumush rangli korpusda ishlab chiqarilgan va zaryadlash jarayoni haqidagi ma’lumotlarni ko‘rsatib turuvchi ixcham ekran bilan jihozlangan. Uning ichki sig‘imi 20 000 mA·soatni tashkil etadi.
Qurilmaning eng asosiy ustunligi — 140 Vt gacha bo‘lgan kombinatsiyalangan tezkor zaryadlashni qo‘llab-quvvatlashidir. Shuningdek, u PD va PPS kabi 6 ta mashhur tezkor zaryadlash protokollari bilan to‘liq mos keladi.
“Zamin”ni Telegramʻda oʻqing!
