Xiaomi 17 flagmanlar seriyasi sotuvlari 5 millionlik marraga yaqinlashmoqda. 2026-yilning 18-haftasi holatiga ko‘ra, mazkur turkumdagi qurilmalar sotuvi 4,73 million donani tashkil etdi. Shu bilan birga, Xiaomi 17 Ultra modeli 207 ming dona sotilishiga erishdi. Bu haqda Ixbt.com xabar beradi.
Avvalroq Xiaomi 17 seriyasi sotuvga chiqqanidan keyin atigi 5 kun ichida 1 milliondan ortiq nusxada sotilgani xabar qilingandi. Kompaniya rahbari Ley Szun ushbu ko‘rsatkichni tasdiqlab, mazkur turkum 2025-yildagi eng muvaffaqiyatli xitoylik flagmanlardan biri bo‘lganini ta’kidlagan edi.
Xiaomi kompaniyasi o‘zining yangi flagmanlarini Xitoy bozorida iPhone 17 seriyasining asosiy raqobatchisi sifatida taqdim etgan bo‘lsa-da, haqiqiy vaziyat boshqacha. Apple mahsulotlari sotuv hajmi bo‘yicha raqobatchisidan sezilarli darajada oldinda.
Mart oyi boshiga kelib, Xitoyda iPhone 17 seriyasidagi smartfonlar 24 million donadan ortiq sotilgan. Eng ommabop model esa iPhone 17 Pro Max bo‘lib, u sotuvga chiqqanidan keyin 150 kun ichida 10 million faollashtirilgan qurilma ko‘rsatkichini ortda qoldirdi.
“Zamin”ni Telegramʻda oʻqing!
