Xitoy ijtimoiy tarmoqlarida Honor Magic 9 Pro Max flagman smartfoni haqida dastlabki maʼlumotlar paydo boʻldi. Kompaniya mobil suratga olish va videotasvirga tushirish imkoniyatlariga katta urgʻu bergan holda, yangi qurilmani taqdim etishga tayyorgarlik koʻrmoqda. Smartfonning asosiy oʻziga xosligi ikkita 200 megapikselli kameradan iborat tizim boʻlishi kutilmoqda. Bu haqda Ixbt.com xabar beradi.
Maʼlumotlarga koʻra, qurilma 200 megapikselli asosiy modul va xuddi shunday aniqlikdagi periskopik zum sensori bilan sinovdan oʻtkazilmoqda. Asosiy kamera uchun Honor OV52B va OVB0D sensorlarini koʻrib chiqmoqda. Ayniqsa, OVB0D sensori 1/1,12 dyuymli katta optik formati hamda LOFIC va DCG texnologiyalari bilan ajralib turadi, bu esa murakkab yorugʻlik sharoitida dinamik diapazonni kengaytirishga xizmat qiladi.
Video imkoniyatlariga alohida eʼtibor qaratilmoqda. Honor professional kino kameralari bilan tanilgan Germaniyaning ARRI kompaniyasi bilan hamkorlik qilmoqda. ARRI tasvirni qayta ishlash texnologiyalari Magic turkumidagi smartfonlarda ranglar uzatilishini va video sifatini sezilarli darajada yaxshilashi kutilmoqda.
Avvalroq Honor va ARRI kompaniyalari MagicOS tizimiga ilgʻor tasvirni qayta ishlash texnologiyalarini joriy etish boʻyicha oʻzaro kelishuvga erishgan edi. Honor bosh direktori Lo Vey ushbu hamkorlik mobil fotografiya kelajagi uchun juda muhim ekanligini taʼkidlab oʻtdi.
“Zamin”ni Telegramʻda oʻqing!
