Samsung kompaniyasi Hindistonda "Certified Re-Newed" dasturini ishga tushirdi. Ushbu tashabbus doirasida foydalanuvchilarga rasmiy kafolatga ega boʻlgan, zavod sharoitida qayta tiklangan smartfonlar taklif etilmoqda. Bu haqda Ixbt.com xabar beradi.
Qurilmalar sotuvga chiqarilishidan oldin Samsungʼning sertifikatlangan korxonalarida sinchkovlik bilan tekshiriladi. Mutaxassislar smartfonlarni tozalash, diagnostika qilish va nosoz qismlarini faqat original butlovchi qismlar bilan almashtirish ishlarini amalga oshiradilar.
Dastur doirasida Galaxy S25 Ultra, Galaxy S25, Galaxy A56 va Galaxy A36 modellari mavjud. Masalan, Galaxy S25 Ultra 256 GB modeli taxminan 1072 dollar, Galaxy A36 esa 256 dollar atrofida baholangan.
Har bir smartfon yangi dasturiy taʼminot va bir yillik rasmiy kafolat bilan taʼminlanadi. Toʻplam tarkibiga original quti, quvvatlash kabeli va SIM-karta uchun maxsus moslama kiritilgan.
Qayta tiklangan qurilmalar hech qanday operatorga bogʻlanmagan holda sotiladi va istalgan mobil aloqa tarmogʻida bemalol ishlaydi.
“Zamin”ni Telegramʻda oʻqing!
