Rasmiy taqdimot arafasida internetga Sony Xperia 1 VIII smartfonining marketing suratlari sizib chiqdi. Ular kompaniya so‘nggi yillardagi an’analaridan voz kechib, flagman dizaynini sezilarli darajada yangilaganini ko‘rsatmoqda. Endilikda uchta kamera moduli an’anaviy vertikal chiziq o‘rniga yagona to‘rtburchak blok ichiga joylashtirilgan. Bu haqda Ixbt.com xabar beradi.
Kamera modulining yuqori qismidan asosiy va ultra keng burchakli obyektivlar o‘rin olgan bo‘lsa, pastki qismida periskopik telefoto obyektivi joylashgan. Shunga qaramay, Sony old panel dizaynida o‘z prinsiplariga sodiq qolgan: ekran atrofidagi simmetrik hoshiyalar saqlanib qolgan, displeyda hech qanday tirqish yoki kesiklar mavjud emas.
Smartfon metall korpus va suratga olish uchun alohida jismoniy tugma bilan jihozlangan. Shuningdek, Sony kompaniyasining Zeiss bilan hamkorligi davom etishi tasdiqlandi. Texnik xususiyatlarga ko‘ra, qurilma 6,5 dyuymli OLED displey, 120 Gts yangilanish tezligi va 3,5 mm audio tirqishga ega bo‘ladi.
Qurilma Graphite Black, Iolite Silver va Garnet Red ranglarida taqdim etilishi kutilmoqda, shuningdek, oltin rangli versiyasi ham bo‘lishi mumkin. Taxminlarga ko‘ra, Xperia 1 VIII smartfonining narxi 1800 yevrodan boshlanadi. Rasmiy taqdimot marosimi 13-may kuniga belgilangan.
“Zamin”ni Telegramʻda oʻqing!
