2010-yil 12-mayda dunyodagi birinchi kirill alifbosidagi yuqori darajali .rf domeni delegatsiya qilingan edi. Bugungi kunda ushbu zona nafaqat kirill domenlari orasida yetakchi, balki eng yirik xalqarolashtirilgan milliy domen hisoblanadi. .ru va .rf domenlarini muvofiqlashtirish markazi matbuot xizmati ushbu sana munosabati bilan statistik maʼlumotlarni taqdim etdi. Bu haqda Ixbt.com xabar beradi.
Hozirgi vaqtda .rf zonasida 802 020 ta domen nomi roʻyxatdan oʻtgan boʻlib, ularning 95,3 foizi faol foydalanilmoqda. Domenlarning asosiy qismi (82,4 foiz) jismoniy shaxslarga, 17,6 foizi esa yuridik shaxslarga tegishli. Ushbu domen Rossiya hududlarida, ayniqsa Qrim, Tuva Respublikasi, Ryazan va Omsk viloyatlarida keng ommalashgan.
Statistikaga koʻra, har oyda oʻrtacha 21 mingga yaqin yangi domen roʻyxatdan oʻtkazilmoqda, bu oʻtgan yilga nisbatan 18,8 foizga koʻpdir. .rf domenlari veb-ilovalar, bir sahifali saytlar, pochta xizmatlari va yoʻnaltirishlar uchun turli maqsadlarda qoʻllaniladi.
2025-yildan boshlab .rf zonasida Rossiya respublikalarining 18 ta davlat tilida domen nomlarini roʻyxatdan oʻtkazish imkoniyati ishga tushirildi. Hozirning oʻzidayoq milliy tillarda 2000 dan ortiq domen nomi muvaffaqiyatli roʻyxatdan oʻtkazilgan.
“Zamin”ni Telegramʻda oʻqing!
