Odamlar sog‘lom turmush tarzini tanlashda, avvalo, kundalik ovqatlanish odatlarini qayta ko‘rib chiqishadi. Ayniqsa, non mahsulotlaridan voz kechish yoki ularni cheklash haqida ko‘p muhokamalar yuz beradi. Biroq bu fikr to‘liq to‘g‘ri emas. To‘g‘ri tanlangan va tarkibi boy bo‘lgan ba’zi turdagi nonlar orqali vaznni nazorat qilish va ozishga erishish mumkin.
Javdar non — diyetaning ajralmas qismi
O‘zbekistonda keng tarqalgan “Borodino” javdar noni o‘zining davlat standarti asosida tayyorlanishi bilan ajralib turadi. Unda oq nonga nisbatan 20 foizga kam kaloriya mavjud. Shu bilan birga, javdar nonida kerakli kletchatkalar 4 barobar ko‘p. Bu turdagi non hazm qilish jarayonini yaxshilaydi va to‘qlik hissini uzoq vaqt saqlab turadi.
Zig‘ir urug‘i solingan non — mikroelementlar boyligi
Zig‘ir urug‘lari bilan boyitilgan nonlar nafaqat ozish, balki organizmni foydali moddalar bilan ta’minlashda ham muhim o‘rin tutadi. Ularda selen, kaliy, marganes singari kam uchraydigan moddalar bor. Zig‘ir urug‘i asosida tayyorlangan nonlar glikemik indeksi pastligi bilan ajralib turadi, bu esa qon shakarini barqarorlashtirishga va ortiqcha vaznga qarshi kurashishga yordam beradi.
Suli noni — glyutensiz va foydali tanlov
Glyutensiz ovqatlanish tarafdorlari uchun suli noni a’lo alternativa hisoblanadi. Bu non xolesterin miqdorini kamaytiradi, ayniqsa “yomon” xolesterinni. Uning past glikemik indeksi is'htahani nazorat qilish imkonini beradi va qisqa muddatda ozishni rag‘batlantiradi.
O‘stirilgan bug‘doy noni — tabiiylik sari qadam
Faqat tabiiy mahsulotlardan — ya’ni o‘stirilgan bug‘doy, tozalanmagan un va tabiiy xamirturushlardan tayyorlangan nonlar foydali hisoblanadi. Bunday nonlar ko‘pincha hunarmandchilik asosida ishlab chiqariladi va nafaqat ozish, balki umumiy salomatlikni mustahkamlashga xizmat qiladi.
Xulosa:
Nondan to‘liq voz kechish shart emas. Aksincha, tarkibi boy, glikemik indeksi past, kletchatkaga boy turdagi nonlar ratsionda muhim ahamiyat kasb etadi. Agar siz ham ozishga bel bog‘lagan bo‘lsangiz, bu turdagi nonlarni tanlang va tanaffuslar paytida foydali alternativa sifatida foydalaning.
“Zamin”ni Telegramʻda oʻqing!
