Og‘ir astma erta o‘lim xavfini ikki barobar oshiradi

1 daqiqa o'qish289
Og‘ir astma erta o‘lim xavfini ikki barobar oshiradi

Karolinska instituti olimlari tomonidan o‘tkazilgan tadqiqot og‘ir astmaning inson salomatligiga jiddiy xavf tug‘dirishini ko‘rsatdi. Ilmiy xulosalar European Respiratory Journal nashrida e’lon qilingan.

Tadqiqot davomida 11 mingdan ortiq astma bilan og‘rigan bemorlar 20 yil mobaynida kuzatilgan. Natijalarga ko‘ra, kasallikning og‘ir shakliga chalinganlar orasida o‘lim ko‘rsatkichi 34 foizga yetgan. Yengil va o‘rtacha holatlarda esa bu raqam taxminan 20 foizni tashkil qilgan.

Mutaxassislar ta’kidlashicha, og‘ir astma erta o‘lim ehtimolini qariyb ikki barobarga oshiradi. Biroq kasallikning o‘zi kam hollarda bevosita o‘lim sababi bo‘ladi — asosiy xavfni hamroh kasalliklar keltirib chiqaradi.

Olimlar izohiga ko‘ra, astmada organizmda kuchli yallig‘lanish jarayoni yuzaga keladi. Bu esa qon tomirlari faoliyatiga salbiy ta’sir ko‘rsatib, ularning elastikligini pasaytiradi va qon aylanishini izdan chiqaradi. Natijada infarkt, insult va tromboz xavfi ortadi.

Bundan tashqari, og‘ir astma bilan og‘rigan bemorlarda onkologik kasalliklar rivojlanish ehtimoli ham yuqori bo‘ladi. Tez-tez kuzatiladigan xurujlar nafas olish va yurak-qon tomir tizimiga ortiqcha yuklama beradi.

Mutaxassislar qayd etishicha, og‘ir astma barcha bemorlarning atigi 3–8 foizida uchraydi. Shunga qaramay, aynan shu toifa doimiy tibbiy nazoratni talab qiladi, chunki ular asoratlar xavfiga nisbatan ancha zaif hisoblanadi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?