Yosh bilan bog‘liq muammolarga har bir ayol ertami-kechmi, baribir, duch keladi. Ilk ajinlar juda erta paydo bo‘lishi mumkin. Yuzda paydo bo‘lgan ajinlarga qarshi kurash qancha erta boshlansa, terini yosh va silliq saqlash uchun shuncha ko‘p imkon bo‘ladi.
KANAKUNJUT MOYI
Topish ancha oson va eng samaralisi bu kanakunjut moyidir. Istalgan dorixonadan xarid qilish mumkin bo‘lgan moy ajoyib xususiyatga ega. U 90 foiz imo-ishoralar tufayli paydo bo‘ladigan ajinlarga qarshi kurashuvchi va quruq terini oziqlantiruvchi ritsinolein kislotasidan tarkib topgan. Muntazam ravishda qo‘llash natijasi bir oyda seziladi.
Qo‘llanishi: moyni boshqalari bilan qo‘shish ham, o‘zidan foydalanish ham mumkin. Aralashma barmoqlar uchidagi bo‘rtiqlar yordamida ajinlarni qizdiradi va o‘sha yerga singdiriladi. Muolaja bir oy davomida har kuni amalga oshiriladi.
YANTOQ MOYI
Ushbu moy yordamida psoriaz toshmalari 4 kun ichida so‘rilib ketadi.
Bu vosita hatto shakllanib bo‘lgan ajinlarni ham bartaraf eta oladi va, ayniqsa, yosh bilan bog‘liq bo‘lgan hamda o‘ta quruq yuz terilari uchun to‘g‘ri keladi. Tarkibidagi Ye vitamini tabiiy antioksidantlari hisobiga yantoq teri hujayralarini erkin radikallarning halokatli ta’siridan himoya qiladi, aminokislotalar esa terining qayishqoqligini ta’minlaydi. Yantoq moyi surgan zahotingiz teriga singib, sezilmaydigan, ammo havo o‘tkazuvchi qatlam hosil qiladi.
Qo‘llanishi: moy niqob sifatida va oziqlantiruvchi krem bilan 1:4 nisbatda aralashtirib surtiladi.
KAKAO MOYI
Kakao o‘simligi dukkaklaridan olingan moy tarkibi yog‘ kislotalari, tanin, metilksatin moddalari va vitaminlarga boy. Bu moddalar hujayralar yangilanishiga mas’ul bo‘lib, atrof-muhitning halokatli ta’siri, terining qurishi va ajin hosil bo‘lishiga qarshi himoyani ta’minlaydi.
Qo‘llanishi: kakao moyini oziqlantiruvchi krem bilan almashtirish mumkin. Buning uchun kichikroq bo‘lagi yuzga qo‘yiladi va u eriy boshlagach, teriga surtiladi. U uyquga yotish oldidan surtiladigan ajoyib vosita.
UZUM URUG‘I MOYI
Uzum urug‘ida ushbu rezavorning barcha foydali xususiyatlari jam bo‘lgan. Kuchli antioksidant xususiyatga egaligi bilan ushbu moy yuz terisini a’lo darajada oziqlantiradi, lifting-samara ko‘rsatadi, yuz terisidagi teshiklarni tozalaydi, ajinlar hosil bo‘lishiga to‘sqinlik qiladi. Uzum urug‘i moyining asosiy xususiyati hatto yog‘li terilarga ham to‘g‘ri kelishidir.
Qo‘llanishi: quruq va o‘ta quruq terilar uchun niqobga boshqa yog‘li moylar: yantoq, kokos, shi moylari, normal holatdagi va yog‘li terilar uchun uzum urug‘i moyi hech nima qo‘shilmagan holda ishlatiladi.
KOKOS MOYI
Kokos moyi terini oziqlantiradi, ultrabinafsha nurlarning zararli ta’siridan ishonchli himoyani ta’minlaydi, moddalar almashinuvi jarayoni ishini yaxshilaydi. Yuzga surtilganda namlik darajasini optimal ta’minlab, teri qurishi va ajin hosil bo‘lishini bartaraf etuvchi ko‘zga ko‘rinmas qatlam hosil qiladi.
Qo‘llanishi: yuz parvarishi uchun faqat eritiladigan va uyquga yotishdan oldin suriladigan rafinadlangan moy to‘g‘ri keladi. Kokos moyi juda kuchsiz, shuning uchun uni hatto qovoqlarga surtish ham mumkin.
ZIG‘IR MOYI
Yosh bilan bog‘liq muammoli terilar uchun zig‘ir urug‘idan olingan moy haqiqiy najot vositasi. Chunki biologik qiymati bo‘yicha u birinchi o‘rinlardan birini egallaydi. Muntazam ravishda qo‘llanilganda zig‘ir moyi kichik ajinlarni bartaraf etadi, terini taranglashtirib, yuz shaklini tortadi.
Qo‘llanishi: aralashma ko‘z atrofidan tashqari yuzning barcha qismiga surtiladi (chunki u yetarli darajada og‘ir va shishga sabab bo‘lishi mumkin), 10 daqiqadan so‘ng suv bilan yuvib tashlanadi. Zig‘ir moyini nafaqat sirtga ishlatish, balki uni ichish ham mumkin. Ertalab va tunda uyquga yotishdan avval och qoringa bir osh oshiqdan ichilsa, biroz muddatdan so‘ng natija yuzda aks etadi..
KO‘Z ATROFIDAGI TЕRINI PARVARISHLASH UCHUN MOY
Periorbital hudud (ko‘z atrofi)dagi teri yuzdagiga nisbatan birmuncha yupqa va yog‘ bezlaridan mosuvo, shuning uchun u yerda ajin paydo bo‘lishi juda oson. “o‘oz panjasi”, to‘q rangli halqalar yuzga horg‘in ko‘rinish beradi. Qarishning ushbu alomatlariga qarshi kurashishda tabiiy vitamin, mineral va boshqa faol moddalarga boy moylar yordam beradi.
ZAYTUN MOYI
Zaytun moyida turli xil yog‘ kislotalari mavjuud. Shunga qaramay, u ko‘z atrofi terisini parvarishlashda nihoyat darajada mos keladi. Eng yaxshisi, tarkibidagi foydali xususiyatlari saqlab qolingan rafinadlanmagan oliy navli moydan foydalanish kerak.
Qo‘llanishi: “g‘oz panjasi”ni kamaytirish uchun har kuni zaytun moyidan ko‘z atrofiga kompress (10 daqiqa yetarli) qilinadi. Ortiqchasi paxta diski yordamida olib tashlanadi. Shuningdek, nomsiz barmoq bilan uqalash ham mumkin. Ko‘zning tashqi burchagidan boshlab ichkari tomon mayin harakatlar bilan urib-urib moy singdiriladi.
SHAFTOLI DANAGI MOYI
Ko‘z atrofidagi terini parvarishlashda ko‘pincha shaftoli danagidan olingan moy qo‘llaniladi. U yog‘ kislotalari, vitaminlar va minerallarga boy. Uning asosida tayyorlangan kompress va niqoblar terini yumshatishga yordam beradi, birmuncha taranglashtiradi, imo-ishoralar tufayli hosil bo‘lgan ajinlar o‘rnini tekislaydi.
Qo‘llanishi: moy ko‘z ostiga barmoqlar uchidagi bo‘rtiqlar yordamida uyquga yotishdan oldin muntazam ravishda surtiladi. Bundan tashqari, shaftoli danagi moyi o‘sishini yaxshilovchi va to‘kilishining oldini oluvchi vosita sifatida qosh va kipriklarga ham surtiladi.
BODOM MOYI
Bodom moyi terini silliqlaydi, ko‘z ostidagi to‘q rangli halqani kamaytiradi, imo-ishoralar tufayli hosil bo‘lgan mayda ajinlarni yo‘qotishda yordam beradi. Tarkibidagi faol komponentlar shalvirab qolgan terini parvarishlashda uni tengi topilmaydigan vositaga aylantiradi.
Qo‘llanishi: har kuni kechqurun moy o‘z vaqtida ajinlarga surtiladi, yarim soatdan so‘ng paxta diski yordamida uning qoldiqlari olib tashlanadi. Qo‘shimcha ravishda krem surtish yaramaydi, aks holda ertalab yuzda shish paydo bo‘lishi mumkin.
CHAKANDA MOYI
Asosan, juda quruq va yoshga bog‘liq bo‘lgan terilar uchun mos keladi. Chakanda mevalaridan olingan moy nafaqat mayda ajinlarni, balki chuqur, shuningdek, terining shalvirab qolgan joylarini ham sezilarli darajada tekislaydi. Yuzni parvarishlash uchun faqat sovuq holda siqib olingan navi to‘g‘ri keladi.
Qo‘llanishi: chakanda moyidan sof holatda foydalanilmaydi. Unga bir kapsula Ye vitamini yoki boshqa birorta moyni qo‘shish mumkin. Shunga qaramay, ko‘z atrofi muntazam ravishda namlantirib turishga muhtoj, ammo moyni suiiste’mol qilish kerak emas, aks holda miliumlar yoki shish hosil bo‘ladi. Qarish jarayonini to‘xtatish, ajinlarni uzoq yillar davomida deyarli sezilmaydigan darajaga keltirishga har kuni muntazam ravishda to‘g‘ri parvarishlash natijasidagina erishish mumkin. Kosmetik moy asosida tayyorlangan moy yoshlik uchun olib borilgan kurashning bir qismi, xolos.
Manba: hordiq.uz
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
