Rossiyada koronavirusga qarshi vaksina yaratish uchun “zagotovka” borligi ma’lum bo‘ldi

Rospotrebnadzor epidemiologiya nazorati boshqarmasi boshlig‘i Yelena Yejlova rossiyalik olimlarda Xitoyda tarqalgan koronavirusga qarshi vaksina tayyorlash uchun asosiy moddalar borligini ma’lum qildi.

“Vaksina yaratish - uzoq muddatli jarayon bo‘lib, xavf va ehtiyojlardan kelib chiqqan holda vaksina tayyorlash to‘g‘risidagi qaror qabul qilinadi. Bugungi kunda biz Jahon sog‘liqni saqlash tashkilotining tavsiyalari asosida baholaymiz va asoslanamiz”, - dedi mutaxassis.

Yejlovaning so‘zlariga ko‘ra, Rospotrebnadzor chegara o‘tish punktlarida sanitar-karantin nazoratini kuchaytirilgan. Fuqarolar tana harorati o‘lchanib, ular bilan savol-javob o‘tkazilmoqda.

Boshqarma boshlig‘ining so‘zlariga ko‘ra, bugungi kunda favqulodda vaziyatlar qo‘mitasi vaziyatni baholash uchun yig‘ilish o‘tkazadi.
Rossiyada yangi koronavirus keltirib chiqargan kasallikka chalingan bemorlar kasalxonaga yotqizish holatlari aniqlanmadi. “Zamin” yangiliklarini “Twitter”da kuzatib boring