Пискентда жойлашган тест полигонида автомобильларни техник кўрикдан ўтказиш учун навбат олиш муаммога айланиб қолди, деб Nova24.uz хабар берди. Ушбу ҳолат юзасидан Давлат илмий синов ва сифат назорати маркази изоҳ берди.
Маълумотларга кўра, 20–25 март кунлари электрон навбат тизимига бир хил IP-манзиллардан жуда кўп сўровлар келиб тушган. Бу тизимнинг зўриқишига ва навбатдаги бўш жойларни ноқонуний равишда сотишга олиб келган. Фуқаролар тармоқларда навбатдан ташқари ўтиш учун 10 миллион сўм талаб қилинаётгани ҳақида маълум қилган.
Вазирлик мутасаддилари бу каби миш-мишларни рад этиб, бундай тўлов йўқлигини маълум қилди. Бензин ва гибрид автомобиллар учун сертификатлаш нархи 5,6 миллион сўм, электромобиллар учун эса 4,48 миллион сўм экани таъкидланди.
UzTest мутахассислари ҳимоя тизимини яхшилаш устида иш олиб боришмоқда. Шунингдек, фуқаролардан фирибгарлик ҳолатларига дуч келса, 1880 рақамига мурожаат қилиш сўралди.
Эслатиб ўтамиз, аввалроқ Антикор ҳам Пискентдаги навбатлар масаласига қизиқиш билдирган, чунки автомобилни сертификатлаш жараёни бир кунгача чўзилиши мумкинлиги айтилиб келинган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
