Прокуратура масжиддаги портлаш сабабини маълум қилди

Андижон вилоятининг Избоскан туманидаги «Аҳмадали Хожа» масжида рўй берган портлашга газ сизиши ва қисқа туташув сабаб бўлгани аниқланди, деб kursiv.media вилоят прокуратураси хабарига таянган ҳолда ёзди.

Прокуратура маълумот беришича, масжид подвалида иситиш ускуналарига уланган қувурлардан газ сизиб чиққан ва электр токи ёқилган пайтда қисқа туташув содир бўлган.

Ҳодиса натижасида 10 нафар фуқаро турли тан жароҳатлари олган, 3 киши ҳодиса жойида ҳалок бўлган. Мазкур ҳолат юзасидан жиноят иши қўзғатилган.