Тошкентнинг айрим ҳудудларида 5 кун свет ўчади

17 апрелдан 21 апрелгача Тошкент шаҳар Алмазар ва Юнусобод туманларининг айрим ҳудудларида электр таъминотида вақтинча узилишлар бўлади, деб Nova24.uz сайти хабар берди.

РЭС матбуот хизмати маълум қилишича, бу ҳолат 110 кВли “Л-ДОК-1” ва “Л-ДОК-2” юқори кучланишли электр узатиш линияларини модернизация қилиш ишлари билан боғлиқ. Таъмирлаш ишлари ҳар куни соат 08:00 дан 18:00 гача олиб борилади.

Алмазар туманида свет узилиши мумкин бўлган жойлар: • 21-оилавий поликлиника, руҳий касаллар шифохонаси, карлар жамияти, 16 ва 315-мактаблар, 4, 20, 39-сонли боғчалар
• “Ахил”, “Элпавар”, “Иброҳим ота”, “Гулзор”, “Қорасарой”, “Олтинсой”, “Мойарик”, “Мискин” маҳаллалари
• “Muharram Trede”, “Medex Textile”, “Zelal Textile”, “New Castle”, “Osiyo Batareya”, “Akfa Building Materials”, “Rom Farm”, “Keramiks Plyus”, “Tashkent Mebel” ва бошқалар

Юнусобод туманида: • 52-оилавий поликлиника, канализация насос станцияси, 52 ва 86-мактаблар, 502-сонли боғча
• “Астаробод”, “Туркистон”, “Минг чинор”, “Нурмакон”, “Собиробод”, “Хамкоробод”, “Катта Ҳасанбой”, “Регистон”, “Уч қаҳрамон” маҳаллалари
• “Jahongir Servis”, “Toshkent Metro Qurilish”, “Sanico Group”, “Toshkent Suv Ta’minoti”, “Biznes Daymond”, “Maxsustrans” ва бошқалар

Аввалроқ Ўзбекистонда электр энергияси нархлари индексацияси жорий қилиниши айтилган эди. Бу жараён инфляция даражасига қараб ҳар йили амалга оширилади. «Замин»ни Telegram’да ўқинг!