Ўзбекистон ҳарбийлари Москвадаги Ғалаба парадида иштирок этади

Ўзбекистон ҳарбий хизматчилари 2025 йил 9 май куни Москвада бўлиб ўтадиган Ғалабанинг 80 йиллигига бағишланган тантанали ҳарбий парадда иштирок этади, деб upl.uz сайти хабар берди.

Россия Президенти ёрдамчиси Юрий Ушаков маълум қилишича, парадда Ўзбекистон билан бир қаторда яна 12 давлатнинг ҳарбийларидан иборат делегациялар қатнашади. Улар орасида Марказий ва Жануби-Шарқий Осиё давлатларининг ҳарбий контингентлари ҳам бор.

Ушаковнинг айтишича, парадда Шимолий Корея ҳарбийлари иштирок этмайди.

Бунгача Украина Ташқи ишлар вазирлиги хорижий давлатларга мурожаат қилиб, уларни Москвадаги парадга ўз ҳарбийларини юбормасликка чақирган эди. Украина томони айниқса, ўзини бетараф деб эълон қилган ёки халқаро майдонда нейтрал позицияда бўлиб келаётган давлатлар учун бу масалада огоҳ бўлишни таъкидлаган.

Украина МИДи фикрига кўра, бундай парадда иштирок этиш бетарафлик тамойилини бузиш сифатида баҳоланади. Шу қарашларга қарамасдан, Ўзбекистон ва қатор бошқа давлатлар ўз ҳарбийлари иштирокини тасдиқлаган. «Замин»ни Telegram’да ўқинг!