Ўзбекистон 200 та электробус сотиб олиши мумкин

Ўзбекистон Хитойдан 200 та электробус харид қилиш имкониятини кўриб чиқмоқда. Шунингдек, томонлар 1000 та автобус хариди лойиҳаси юзасидан музокаралар олиб бормоқда. Бу ҳақда Транспорт вазирлиги матбуот хизмати маълум қилди, деб Nova24 хабар берди.

Учрашувда транспорт вазири ўринбосари Илҳом Абдуғаффоров ва Хитой Экспорт-импорт банки бошқарув раиси Чен Хуайюе бошчилигидаги делегация ўртасида транспорт инфратузилмасини ривожлантириш, ҳаракатдаги автопаркни янгилаш ва молиялаштириш масалалари муҳокама қилинди.

Шу билан бирга, Тошкент—Самарқанд ва Тошкент—Андижон тўловли автомагистраллар, Тошкент—Самарқанд тезюрар темир йўл йўналиши, ҳамда Тошкент ва ҳудудларда жамоат транспортини ривожлантириш каби лойиҳалар муҳокама қилинди.
Томонлар 200 та электробус харид қилиш бўйича кредит шартномасини тезлаштириб келишиш ва имзолаш масалаларини ҳам кўриб чиқди. «Замин»ни Telegram’да ўқинг!