Тошкент шаҳар Сергели туманидаги Обиҳаёт кўчасида транспорт ҳаракати вақтинча чекланади. Бу чора иссиқ сув қувурларини янгилаш ишлари билан боғлиқ. Тошкент шаҳар ҳокимлиги маълумотига кўра, 2025 йилнинг 19 июлидан 18 августигача автотранспорт воситалари ушбу кўчада ҳаракатлана олмайди.
Йўл ёпилиши муносабати билан ушбу ҳудуддан ўтадиган баъзи автобус йўналишлари ҳам вақтинча ўзгартирилди. Қуйидаги ўзгаришлар амалга оширилади:
• 184-сонли автобус йўналиши “Сергели ярмаркаси” бекатига қадар қисқартирилади.
• 40 ва 143-сонли автобуслар Янги Сергели йўли → Сўғдиёна → Жалойир → Обиҳаёт (ёпилмаган қисм) бўйлаб вақтинча ҳаракатланади.
Маҳаллий ҳокимият органлари аҳолини вақтинча ноқулайликка сабрли бўлишга ва ҳаракатларини олдиндан режалаштиришга чақирмоқда. Иссиқ сув қувурларини янгилаш ишлари тез ва хавфсиз амалга оширилиши маълум қилинди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
