Ўзбекистон Республикаси Президенти Шавкат Мирзиёев 4 август куни Туркманистон Президенти Сердар Бердимуҳамедовнинг таклифига биноан ушбу мамлакатга амалий ташриф билан жўнаб кетди. Бу ҳақда Президент матбуот хизмати хабар берди.
Президент Авзадада бўлиб ўтадиган БМТнинг Денгизга чиқиш имкони бўлмаган ривожланаётган давлатлар бўйича учинчи конференциясида иштирок этади. Ушбу тадбир транспорт соҳасидаги ўзаро боғлиқликни кучайтириш, савдо жараёнларини соддалаштириш, иқтисодий ислоҳотлар, иқлим ўзгариши ва экологик хатарларга тайёрлик, шунингдек, Барқарор ривожланиш мақсадларига эришиш масалаларига бағишланади.
Конференция якунида Авзада сиёсий декларацияси ва ҳаракатлар дастури қабул қилиниши режалаштирилган. Шунингдек, Шавкат Мирзиёев Марказий Осиё давлатлари раҳбарларининг еттинчи Маслаҳат учрашувига тайёргарлик кўришга бағишланган тадбирда ҳам қатнашади.
Ташриф доирасида Президент бир қатор икки томонлама учрашувлар ва музокаралар ўтказиши кутилмоқда.
«Замин»ни Telegram’да ўқинг!
