“Миллий тикланиш” партияси раиси Алишер Қодиров дунёвийлик тушунчаси, унинг мазмуни ва жамиятдаги қўлланилиши ҳақида фикр билдирди. Унинг таъкидлашича, Ўзбекистон дунёвий давлат сифатида фуқароларга қонунга зид бўлмаган ҳолда эркин яшаш имконини беради ва турли қарашлар эгалари тенг ҳуқуққа эга.
Қодиров пиво ичиш ёки ичмаслик шахсий танлов эканини, бироқ спиртли ичимликларни реклама қилиш қонун билан тақиқланганини мисол келтирди. Шунингдек, жамиятда ўтказиладиган маданий тадбирлар ҳам дунёвийликнинг кўринишларидан бири эканини айтди. Масалан, у Жeннифер Лопес концертини тилга олиб, унинг кийиниши ёки тадбирга бориш-бормаслик шахсий танлов эканини таъкидлади.
Сиёсатчи шу нуқтадан келиб чиқиб, рўмол ўраган аёлларнинг ҳуқуқлари ҳам қонун билан ҳимояланиши зарурлигини қайд этди: “Лопесга кўрсатган бағрикенглигимизни диндор аёлларимизга ҳам кўрсатайлик. Паспортга суратга тушишда рўмолни ечишга мажбур қилиш амалиётини тўхтатиш керак, чунки идентификация юз орқали амалга оширилади, соч орқали эмас.”
«Замин»ни Telegram’да ўқинг!
