Тошкентда янги халқаро аэропорт учун ер ажратилди

Тошкент вилоятида янги халқаро аэропорт қуриш режаси амалдаги дастурлар доирасида тобора яққол шаклланмоқда. Вилоят Кадастр бошқармаси тарқатган маълумотга кўра, катта ҳажмдаги ер майдони расман ажратилиши белгиланди.

Маълумотга кўра, аэропорт қурилиши учун жами 1309,76 гектар ер майдони ажратилмоқда. Бу ерлар асосан Ўртачирчиқ ва Қуйичирчиқ туманларидан олингани қайд этилмоқда.

Ажратилган майдон таркиби ҳам батафсил эълон қилинди. Жумладан, умумий майдондан:

• 1075,45 гектари суғориладиган ерлар,

• 112,69 гектари боғ майдонлари,

• 0,65 гектари яйлов ва пичанзорлар,

• 120,97 гектари бошқа турдаги ерлар ҳисобланади.

Фақатгина Ўртачирчиқ тумани ҳудудидан 790,76 гектар майдон берилади. Шундан:

• 609,95 гектари суғориладиган ерлар,

• 112,63 гектари боғлар,

• 0,65 гектари яйлов ва пичанзорлар,

• 67,53 гектари бошқа ерлар сифатида ажратилган.

Қуйичирчиқ туманидан эса 519 гектар ер лойиҳа учун белгиланди. Унинг таркиби қуйидагича:

• 465,5 гектар суғориладиган ер,

• 0,06 гектар боғ,

• 53,44 гектар бошқа турдаги ерлар.