Чорвоқ сув омбори ҳудудида келгуси йилдан бошлаб нафақат қирғоқ қисмида, балки тўғридан-тўғри сув майдонида ҳам тартиб ва хавфсизлик устидан назорат олиб борилади. Бу ҳақда оммавий ахборот воситалари ва блогерлар учун ўтказилган махсус пресс-тур доирасида маълум қилинди, деб хабар берди SputnikUzbek мухбири.
Таъкидланишича, охирги йилларда мамлакатга келаётган хорижликлар сони кескин ортиб бормоқда. Хусусан, 2025 йилнинг январидан июлигача бўлган давр мобайнида Ўзбекистонга 7,4 миллиондан зиёд чет эл фуқаролари ташриф буюрган. Улар орасида қарийб 950 минг киши аниқ сайёҳлик мақсадларида сафар қилган.
Туризм полицияси ҳам шу даврда бир қатор муҳим вазифаларни бажарди:
-
257 та халқаро делегациянинг хавфсизлигини таъминлади;
-
67,7 мингдан зиёд сайёҳга турли йўналишларда, асосан йўл кўрсатиш ва тиббий масалалар бўйича амалий ёрдам кўрсатди.
Бундан ташқари, транспорт хавфсизлиги бўлинмалари ҳам ўз фаолияти давомида салмоқли натижаларга эришди. Хусусан, 10 та жиноят фош этилди, 70 нафар бедарак йўқолган шахс аниқланиб, топиб берилди ҳамда 405 та хавфли буюм мусодара қилинди.
«Замин»ни Telegram’да ўқинг!
