Транспорт вазирлиги маълумотига кўра, Самарқанд — Тошкент — Самарқанд йўналишида “Афросиёб” тезюрар пойезди учун қўшимча рейслар ташкил этилди. Хусусан, 1–2 октябр кунлари йўловчи талабининг ортиши ва ички туризм мавсуми муносабати билан қўшимча қатновлар амалга оширилади.
3 октябрдан бошлаб эса мазкур қўшимча рейслар мунтазам равишда ҳафтасига уч марта — чоршанба, жума ва шанба кунлари қатнайди. Бу орқали икки шаҳар ўртасида ҳаракатланиш имкониятлари кенгайиши ҳамда хизматлар барқарор ва ўз вақтида тақдим этилиши таъминланади.
Йўналиш бўйича кундалик вақт жадвали қуйидагича белгиланди:
— Самарқанддан жўнаш: 10:55, Тошкентга етиб келиш: 13:10.
— Тошкентдан жўнаш: 13:56, Самарқандга етиб келиш: 16:09.
“Афросиёб”нинг юқори тезлиги ва аниқ жадвали манзиллар орасидаги сафар муддатини қисқартиради ҳамда йўловчилар учун қулайлик яратади.
«Замин»ни Telegram’да ўқинг!
