Uzbekistan Airways авиакомпанияси "Қариялар учун туризм ойи" доирасида ички рейсларда чегирма эълон қилди. Акция 2025 йил 1 ноябрдан 30 ноябргача амал қилади.
Унга кўра, Ўзбекистон фуқаролигига эга бўлган аёллар (55 ёшдан юқори) ва эркаклар (60 ёшдан юқори) учун иқтисодий класс чипталарига 15% чегирма берилади.
Чипталарни Uzbekistan Airways Sales компаниясининг офислари, агентлари орқали ёки расмий веб-сайт орқали харид қилиш мумкин. Харид пайтида паспорт ёки ID-карта тақдим этилиши талаб этилади.
Мазкур чегирма бошқа акциялар билан қўшилмайди ва чипталарни қайта расмийлаштириш ёки қайтаришда йиғимларга тааллуқли эмас.
Эслатиб ўтамиз, аввалроқ Uzbekistan Airways 22 та Boeing 787 Dreamliner самолётини харид қилишини маълум қилган эди, деб хабар беради Kursiv Media.
“Zamin”ни Telegram'да ўқинг!
